L-edukazzjoni
“Dan il-budget huwa wieħed irrelevanti għall-edukazzjoni” dan qaluh l-unions tal-edukaturi f’pajjiżna saħaq Grech. Il-Gvern naqas milli jserraħ ras l-edukaturi kif se jgħinhom jegħlbu l-isfidi fis-settur u li mhux ta’ b’xejn spiss nisimgħu b’edukaturi li abbandunaw il-professjoni.
Grech qal li issemmew proġetti għal tijieb ta’ skejjel imma li “tbajjad skola ma jfissirx bnejtu skola ġdida”. Dan il-budget kien wieħed “diżappuntanti” għax nesa lill-istudenti u liż-żgħażagħ.
Il-Kap tal-Oppożizzjoni qal li PL ma joffri l-ebda strateġija kif ser jinbew kmamar multisensorjali f’kull skola għal benefiċju ta’ tfal li jaqgħu fuq l-ispektrum tal-awtiżmu jew li jsofru bi global developmental delay. Huwa kompla jsostni li ma hemmx soluzzjoni dwar kif ser jissaħħu s-sistemi li bihom t-tfal bi problemi diversi jiġu diagnosed kemm jista’ jkun kmieni u mogħtija l-għajnuna meħtieġa.
Enerġija
Grech jirreferi għal qtugħ ta’ dawl li seħħ dan is-sajf u saħaq kif il-Gvern falla f’dan is-settur ukoll għaliex kellu ibati l-poplu Malti. Grech qal kif fid-diskors tal-baġit ma’ ssemma xejn dwar il-proġett ta’ ġenerazzjoni tal-enerġija u l-irdieden tar-riħ fil-baħar xorta għadu ma sar xejn. Grech kompla jgħid
Grech qal li l-pjan tal-PN huwa li se jagħmlu investiment xieraq u aċċellerat fin-network tad-distribuzzjoni; Sistema ta’ data analysis li llum tista’ tinġabar mill-ismart meters; li se jkun hemm inċentivi għall-binjiet li jkollhom livell għoli ta’ effiċjenza fl-enerġija; Ikunu introdotti rati ta’ benefiċċju għall-ħinijiet off-peak li jkunu orħos mill-orħos rata preżenti fost oħrajn.
Il-Gvern Nazzjonalista saħaq li se jagħti garanzija ta’ servizz tal-elettriku denju li jixraq lill-pajjiż.
Saħħa
Grech isemmi l-kuntratt ta’ bej Vitals u Steward u qal li PL daħal kompliċi u ta €400M minn bwiet il-poplu lil barranin u servizz flok tjieb mar lura minkejja s-sagrifiċċji kbar tal-ħaddiema fis-settur tas-saħħa. Is-settur tas-saħħa jinsab għarkuptejh u kompla jgħid li f’Malta m’hawnx biżejjed teatri tal-operazzjonijiet waqt li saħaq li l-professjonisti ma jistgħux jibqgħu jiġu mgħaffġa.
Grech jgħid li anke il-qagħda tas-saħħa mentali kompliet sejra lura hekk kif kkwota persentaġġ ta’ nies li fittxew l-għajnuna u ir-Richmond Foundation li ma ssemmitx fil-baġit.
Il-Kap tal-Oppożizzjoni qal li jinsab mħasseb hekk kif aktar minn 74% ta’ żgħażagħ ta’ bejn it-13 u t-18-il sena, u aktar minn 56% ta’ dawk ta’ bejn id-19 u l-25 sena jwieġbu li kellhom tħassib dwar is-saħħa mentali tagħhom fl-aħħar snin.
Grech qal li PN se jagħti għajnuna lill-professjonisti fis-settur tas-saħħa, se jibnu sptar ġdid ta’ kura, se jiżguraw li jitkompla l-irrinnovar fl-Isptar Monte Karmeli, li joħloq pjan ta’ edukazzjoni u li jinvestu fil-kliniċi u sptarijiet. Grech saħaq li l-PN se jaġdem sabiex jissaħħu l-metodi t’għajnuna ta’ telefon kemm online u kemm fiżikament fost oħrajn, bħala parti mill-viżjoni tal-PN.
Ġustizzja
Il-Kap tal-Oppożizzjoni jgħid li taħt il-Gvern ir-reputazzjoni ta’ pajjiżna fl-aħħar snin tnawret u ġarrbet ħsarat li jaf ma jissewwew qatt, u li pajjiżna saħansitra kienspiċċa grey listed għal xi żmien.
Grech saħaq li rridu nibnu mill-ġdid ir-reputazzjoni ta’ pajjiżna u li rridu nindirizzaw l-attakk li wettaq Robert Abela ftit tal-jiem ilu fuq il-Qorti Maltija.
Fid-diskors tiegħu, Grech qal li il-Gvern ma semma xejn fil-baġit dwar l-istat tal-ġurnaliżmu u l-eżerċizzju tal-jedd fundamentali tal-libertà tal-espressjoni f’pajjiżna. Barra minn hekk , Grech qal li l-Ministru tal-Finanzi ma semma xejn dwar il-proġett ta’ bini ta’ Qorti ġdida f’Għawdex u m’hemm l-ebda flus għal dan il-għan. Il-vot kapitali għall-Qorti t’Għawdex kien tnaqqas minn €400,000 għas-sena 2022 għal €100,000 għas-sena 2023.
Il-Kap tal-Oppożizzjoni qal li l-Kummissjoni Permanenti Kontra l-Korruzzjoni ser tibqa’ b’baġit miżeru ta’ €180,000. Huwa jkompli jgħid li ma jissemma xejn dwar it-twettiq tar-rakkomandazzjonijiet tal-inkjesta dwar l-assassinju ta’ Daphne Caruana Galizia.
Sigurtà
Is-sigurtà hija biss għal dawk li wettqu kollużjoni, hekk qal Grech hu u jindirizza lill-PL li ma jimpurtahx mill-uffiċjali li jaħdmu u jaqdu dmirijiethom u huwa jkompli jonqos milli jagħtihom l-għodda u riżorsi neċessarji.
Grech qal li l-PL kien għamel wiegħda li jsaħħaħ lill-Korp tal-Pulizija billi jitjiebu l-kundizzjonjijeit imma dan qatt ma seħħ u minflok għandha “ Korp demotivat, overworked u overstretched”.
Grech saħaq li jridu jissaħħu l-aġenzji li għandhom id-dover li jinfurzaw il-liġijiet biex b'hekk tiżdied id-dixxiplina kullimkien. Filwaqt li Qrati għandhom ikollhom riżorsi biex jaħdmu, inkluż billi niktbu mill-ġdid il-Kodiċi Kriminali biex jibda jagħmel sens fiż-żminijiet tal-lum; “ Għadna naħdmu bi proċedura li nkitbet 170 sena ilu.”
Turiżmu
Wieħed mill-pilastri tal-ekonomija Maltija huwa t-turiżmu u Grech saħaq li fl-aħħar 3 snin raw tnaqqis fil-baġit li inagħta lill-MTA, bi tnaqqis ta’ 12-il miljun ewro; u l-baġit ukoll li jservi fir-riġenerazzjoni ta’ proġetti f’żoni turistiċi tnaqqas b’terz.
Kompla jgħid li anke l-Belt nesa Abela b’fondi għall-upkeep €310,000, l-istess bħal ta’ qabel. Ma nistgħux inħallu lil Belt titlef l-identità tagħha. Grech jindirizza lill-artist u l-villaġġ tal-karnival li ma kinu msemmija fil-baġit waqt li jerġa’ jisħaq li PL huwa “gvern bla soluzzjonijiet.”
Għawdex
Grech qal fil-baġit ma ssemma xejn dwar ir-raba’ vapur jew dwar l-Isptar Ġenerali t’Għawdex fiwaqt li kompla jsostni li l-Gvern mhux jagħti widen tal-ħtiġijiet tal-Għawdxin. Grech qal li s-sitwazzjoni ambjentali f’Għawdex tinsab fi stat ta’ kriżi, b’konsegwenzi negattivi u inevitabbli tal-iżvilupp żejjed fuq l-ekonomija, it-turiżmu, in-negozju u fuq kollox ukoll, l-identità Għawdxija.
Grech qal li huwa “importanti ferm li nsalvaw il-kwalità tal-ħajja ta’ kull Malti u Għawdxi”.
“Il-Partit Nazzjonalista kien dak li welled lil Għawdex bħala gżira reġjun.” saħaq Grech.
Grech iwiegħed 10 setturi ekonomiċi ġodda ta’ pedament sod għall-ekonomija f’pajjiżna
Investimenti bbażati fuq Metaverse; Servizzi ta’ compliance u due diligence; Manifattura avvanzata u speċjalizzata; Ipprintjar 3D 5. Applikazzjonijiet tal-intelliġenza artifiċjali (AI) ;L-industrija tal–e-Sports; Produzzjoni ta’ video games; Industrija tal-isports; Tisħiħ tas-settur tal-enerġija; Intrapriżi soċjali.
Fl-aħħar nett, Grech kkonkluda li l-PN se joffri Malta aħjar, "pajjiż fejn kulħadd jieħu dak li ħaqqu", "ħajja aħjar f’pajjiżna fejn minflok nispiċċaw niddibattu skandlu wara skandlu, wara skandlu", u li se jagħti ħajja aħjar għall-poplu Malti fejn isir investiemnt kontinwu f’diversi qosma.
Grech jkompli jgħid li PN se joffri ħajja aħjar f’pajjiżna fejn ikollna l-infrastruttura meħtieġa li sservi tajjeb għall-popolazzjoni li għandna, għat-turiżmu ; ħajja aħjar b’riżorsi tant meħtieġa għall-forzi tas-sigurtà.
Grech u il-PN se jagħti viżjoni ta eċċellenza fejn skontu jirbaħ il-ħaddiem, il-bieżel, l-pazjent u l-istudent. Grech qal li PN se joffri din il-viżjoni fejn jirbaħ l-ambjent, iż-żgħażaġħ, u fl-aħħar mill-aħħar "jirbħu Malta u Għawdex".
