Malta fost l-inqas pajjiżi b’enerġija rinovabbli; 13%

Statistika tal-Eurostat żvelat kif is-sehem ta' Malta ta' enerġija minn sorsi rinnovabbli jibqa' ta' 13.4%, notevolment taħt il-medja tal-UE ta' 23.0% fl-2022.

L-isforzi ta’ pajjiżi tal-Unjoni Ewropea favur enerġija rinovabbli rat żieda kolletiva li laħqet it-23.0% fil-konsum gross finali tal-enerġija fl-2022. Dan jimmarka żieda ta’ 1.1 punti perċentwali mill-istatistika tas-sena ta’ qabel.

L-Iżvezja toħroġ bħala l-ewwel fost il-pajjiżi tal-UE, li żvelat livell ta’ 66.0% tal-konsum gross finali tal-enerġija minn sorsi rinnovabbli fl-2022. Id-dipendenza tan-nazzjon primarjament huwa fuq l-idro, ir-riħ, il-bijokarburanti solidi u likwidi, flimkien mal-pompi tas-sħana. Il-Finlandja (47.9%) issegwi mill-qrib, b’enfasi fuq l-idro, ir-riħ u l-bijofjuwils solidi, filwaqt li l-Latvja (43.3%) tistrieħ fuq sorsi idro.

Madankollu, b'kuntrast man-nazzjonijiet ta' l-UE ta' livell ogħla, l-utilizzazzjoni ta' l-enerġija rinnovabbli ta' Malta hija ta' 13.4%, li tirrifletti proporzjonijiet irreġistrati f'pajjiżi bħall-Irlanda (13.1%), il-Belġju (13.8%), u l-Lussemburgu (14.4%). Dan ipoġġi lil Malta fost in-nazzjonijiet li jirrappurtaw ishma taħt il-medja tal-UE għall-2022.