Raġel ta' 22 sena ġie arrestat it-Tlieta filgħaxija b'rabta ma' importazzjoni tad-droga.
Ir-raġel li huwa mill-Latvja, ġie nnutat dieħel f'residenza f'Marsaskala u ġie mwaqqaf mill-Pulizija li kienu għaddejjin b'investigazzjoni. Minn hawn skattat tfittxija fir-residenza li wasslet għal sejba ta' sitt kilogrammi kannabis.
Il-Maġistrat tal-Għassa Dr Natasha Galea Sciberras ġiet infurmata bis-sejba u ħatret inkjesta.
Huwa qed jinżamm fil-lock-up tal-Pulizija fil-Kwartieri Ġenerali fil-Furjana, u mistenni jitressaq il-Qorti llum għall-ħabta tas-1:00om.
L-investigazzjonijiet tal-Pulizija għadhom għaddejjin.
