Anzjan Għawdxi jweġġa’ gravi f’inċident tat-traffiku

Raġel ta’ 75 sena weġġa’ gravi hekk kif ħabat ma’ ħajt fis-sebgħa ta’ filgħodu fi Triq l-Imġarr, ix-Xewkija.

Waqt li kien qed isuq, l-anzjan tilef il-kontroll tal-karozza tiegħu u baqa’ dieħel ġo ħajt ta’ residenza privata.

Wara li ġiet imsejħa l-pulizija, ir-raġel ittieħed l-Isptar Ġenerali ta’ Għawdex fejn ġie iċċertifikat li weġġa’ serjament.

Dwar dan il-każ, il-maġistrat Simone Grech ħatret inkjesta u l-pulizija qed imexxu bl-investigazzjoni tagħhom.