Raġel bi ġrieħi serji wara waqgħa

Raġel ta’ 57 sena residenti San Pawl il-Baħar, sofra ġrieħi serji wara li waqa’ għoli ta’ madwar żewġ metri minn fuq scaffolding waqt li kien qed jagħmel xogħol f’sit ta’ kostruzzjoni.

L-inċident seħħ aktar kmieni llum, għall-ħabta tad-disgħa u nofs ta’ filgħodu fi Triq Santu Rokku, il-Kalkara. 

Fuq il-post il-ħaddiem ingħata l-għajnuna minn tim mediku u wara ttieħed l-Isptar Mater Dei għall-aktar kura. 

Il-Maġistrat tal-Għassa Abigail Crtitien ħatret inkjesta fuq il-każ.

 L-investigazzjonijiet tal-Pulizija u tal-Awtorità għas-Saħħa u s-Sigurtà Fuq il-Post tax-Xogħol għadhom għaddejjin.