Ġuvni jmut wara li jieħu xokk waqt ix-xogħol

Raġel ta’ 21 sena minn Marsaskala tilef ħajtu t-Tnejn wara li ħa xokk waqt ix-xogħol.

Skont il-pulizija, l-inċident seħħ f’sit fi Triq Mater Boni Consili l-Fgura.

Tim mediku mar fuq is-sit biex jagħti l-għajnuna u ħa l-ġuvni l-isptar Mater Dei għal aktar kura, iżda hu ġie ddikjarat mejjet ftit wara.

Il-Maġistrat Philip Galea Farrugia fetaħ inkjesta maġistarjali filwaqt li l-investigazzjonijiet tal-pulizija u l-OHSA għadhom għaddejjin.