L-Isqof Scicluna u Joseph Muscat fost in-nominati tal-LGBTI Awards

Għadhom kif ġew imħabbra n-nominati għall-unuri tal-komunità LGBTI li se jsiru fid-29 ta' Novembru li ġej.

Fost in-nominati hemm l-Isqof Awżiljarju Charles Scicluna flimkien ma' Patri Mark Montebello li huma nnominati bħala reliġjużi.

Fost in-nominati l-oħra hemm Luke Dimech u Sue Abela bħala sportivi, Ira Losco u Joseph Calleja bħala nies mix-xena tal-ispettaklu, Gabi Calleja u Neil Falzon bħala umanitarji u bħala politiċi hemm il-Ministru Helena Dalli li ħadmet bla heda għal-libertajiet ċivili u l-Prim Ministru ta' Malta Joseph Muscat.

Is-serata se ssir f'Xara Lodge u l-biljetti qed jinbiegħu għal €100.