Brittany Maynard ta' 29 sena minn Oregon f'Jannar li għadda kienu sabulha tumur qerriedi f'moħħha u qalulha li għandha biss madwar sitt xhur ħajja.
Brittany iddeċidiet li tagħżel hi meta tmut u dan il-fatt qajjem kontroversja sħiħa dwar l-ewtanasja meta din qalet li trid tmur fl-età ta' 29 sena. Fil-fatt hi mietet fid-dar tagħha wara li ħadet pilloli letali preskritti legalment mit-tabib tagħha.
Hi għamlet minn kollox biex tipprova tfejjaq dan it-tumur fejn anke ppruvaw inneħuhulha permezz ta' operazzjoni li falliet. Minn hawn Brittany ddeċidiet li ma tippruvax iżjed.
Kienet ħarġet video b'messaġġ aktar kmieni dis-sena li riedet tmut b'dinjità u ppjanat li tneħħi ħajjitha fl-1 ta' novembru lejliet li tagħlaq 30 sena.
"It-tip ta' tumur li għandi se joqtolni xorta waħda u m'għandix kontroll fuqu," li jkolli kontroll li mmut b'dinjità hi inqas tal-biża' milli nistenna l-mewt tasal fuqi u teħodli d-dinjità kollha" qalet Brittany.
Fl-aħħar messaġġ tagħha lil familja u lil ħbieb tagħha, Brittany li l-kundizzjoni tagħha dditorjat ħafna f'dawn l-aħħar ġimgħat, qalet, "Insellem lil ħbieb kollha tiegħi u lil familja li tant inħobb.
"Illum hi l-ġurnata li għażilt biex immut b'dinjità... id-dinja sabiħa ħafna u l-ivjaġġar kien l-akbar għalliem tiegħi, l-aktar ħbieb tiegħi u l-familja tiegħi kienu l-aktar nies li tawni f'ħajti...Addio dinja. Kunu pożittivi."
Il-Ħamis kienet ħarġet video ieħor b'messaġġ li forsi ttawwal iż-żmien tagħha fid-dinja għax kienet għadha tieħu pjaċir tgħix, u qalet li għadha tidħak, "iżda qed inħossni sejra lura f'saħħti. U aktar ma jgħaddu ġimgħat aktar sejra lura."
