Dan l-istilla tal-futbol se jkun qed jiġri ma’ eluf ta’ parteċipanti mir-rotta ta’ fejn il-Palazz ta’ San Anton.
Toto Schillaci se jasal Malta flimkien mal-familja tiegħu nhar is-Sibt li ġej fit-20.35 fl-ajruport internazzjonali ta’ Malta.
Toto Schillaci mhuwiex l-uniku mistieden internazzjonali għas-sitt edizzjoni ta’ The President’s Solidarity Fun Run hekk kif se jkun qed jieħu sehem ukoll iż-żeffien popolari Taljan mill-programm AMICI, Francesco Mariottini. Francesco Mariottini se jkun qed jimxi mir-rotta tal-Università ta’ Malta.
Għal The President’s Solidarity Fun Run se jkunu qed jieħdu sehem għadd kbir ta’ personalitajiet fosthom DJ’S lokali, Alfred Zammit, John Bundy, Pierre Cordina, Joe Tanti, Ron Briffa, Nate Darmanin, u Clint Bajada.
Għall-ewwel darba The President’s Solidarity Fun Run se jkollha 4 rotot. Ġirja mill-Palazz ta’ San Anton, filwaqt li tliet rotot ta’ mixi, Santa Venera, il-Pjazza ta’ Raħal il-Ġdid, u mill-Università ta’ Malta. Il-President ta’ Malta, Marie-Louise Coleiro Preca se tkun qed timxi mir-rotta tal-Università ta’ Malta, filwaqt li s-Sur Edgar Preca se jkun qed jimxi mir-rotta ta’ Santa Venera.
L-applikazzjonijiet, minn kull fergħa tal-Banif Bank f’Malta u Għawdex, Eurosport B’Kara, Kitchen Garden, u mill-Palazz il-Belt Valletta. Applikazzjonijiet onlajn fuq funrun.org.mt
.jpg)
