Periklu fin-Nadur u ħadd ma jindenja ruħu jneħħih
Qarrej bagħtilna ritratti li ħa hu stess ta' periklu għal kulmin jgħaddi minfejn toqgħod ommu
Dan il-qarrej qalilna li fin-Nadur Għawdex fit-Triq Ġuże Ellul Mercer hemm plot mhux mibni. U hemm fondoq li hu wiesgħa 4 piedi u fond 12-il pied. Dan il-qarrej ċempel biex jagħmel ilment għand il-MEPA għax hemmhekk joqogħdu nies anke bi tfal żgħar li hu periklu ferm għalihom għax dejjem inkwetat li jaqgħalu xi ħadd minnhom f'din il-ħofra fonda. Ir-rappreżentant tal-MEPA qallu li dik ma taqax bħala parti minn xogħlhom u qallu biex iċempel lil pulizija.
Sadattant s’issa ma sar xejn fejn lanqas ċint m’hemm jilqa din il-ħofra u hi ta’ periklu għal kulmin ikun għaddej speċjalment ta’ tfal li jkunu għaddejjin minn dawk l-inħawi. Barra ż-żibel li qed jintefa f'dan il-fond.
