Suppost illum tieħu l-ewwel għawma

Tradizzjonalment f'Malta f'Jum San Girgor ħafna jieħdu l-ewwel għawma tagħhom. Iżda din id-darba jidher li se jkunu l-ftit li juru kuraġġ jagħmlu dan meta r-riħ hu kiesaħ ħafna anke jekk it-temp hu wieħed sabiħ u xemxi. Fil-fatt it-temperatura hi dik ta' 11-il grad.

Dalgħodu l-Arċisqof Scicluna mexxa l-purċissjoni tradizzjonali mill-kappella ta' San Klement sal-Knisja taż-Żejtun u wara għal San Girgor. Din il-proċessjoni ilha ssir mit-12 ta' Marzu 1543 (472 sena) u ssir l-ewwel Erbgħa wara l-Għid.