Klijenti tal-Bank of Valletta li żaru l-fergħat tal-Bank nhar il-Ġimgħa 24 ta’ April ġew milqugħa minn impjegati libsin il-jeans. Il-Jeans Day ġiet organizzata fil-fergħat u d-dipartimenti kollha fi ħdan il-Grupp Bank of Valletta b’kollaborazzjoni mal-Fondazzjoni Marigold – BOV in the Community, bil-għan li jinġabru fondi b’risq l-entità mhux governattiva Puttinu Cares Cancer Support Group.
L-impjegati tal-Bank li pparteċipaw f’din l-inizjattiva għamlu dan billi taw donazzjoni minima, waqt li l-klijenti li żaru l-fergħat jew iċ-ċentri tal-BOV matul il-ġurnata ġew imħeġġa jipparteċipaw ukoll billi jagħtu donazzjoni żgħira. Il-pubbliku qed ikun imħeġġeġ sabiex jipparteċipa billi jagħti donazzjoni fil-kont ta’ BOV bin-numru 40023054082.
Il-fondi kollha miġbura permezz ta’ din l-inizjattiva ser jiġu ppreżentati lil Puttinu Cares waqt il-11-il edizzjoni tal-Maratona tal-Futbol u l-Volleyball li ser issir bejn it-8 u l-10 ta’ Mejju fil-Grawnd tal-Marsa.
.jpg)
.png)
