Ħafna materjal goff ġie mitfuh ġo sit ta’ Natura 2000 fil-Park tal-Majjistral minn persuna jew persuni mhux magħrufa. Dan ġie skopert waqt rondi ta’ sorveljanza mill-gwardjani tal-Park. Dan il-materjal ġie mitfuh minn fuq ix-xagħri għall-isfel ġol-irdum u jikkonsisti f’ħafna materjal differenti fosthom kompjuters, saqqijiet u ħadid. Il-Park qed jistudja l-aħjar possibilita kif dan il-materjal goff jista jitneħħa minn ġol-irdum. Il-persuna jew persuni nvoluti f’dan l-att irresponsabbli u llegali kellu jgħamel jew jgħamlu użu minn vettura sabiex iwassal l-materjal sax-xifer tal-irdum u jitfgħu għall-isfel.
Il-Park tal-Majjistral jikkundanna dan l-att ta’ vandaliżmu u qed jitlob l-għajnuna tal-pubbliku sabiex jinqabad minn tefa’ dan l-skart goff. Kull min għandu xi tagħrif fuq dan il-każ jista jikkuntatja lill-Park fuq telefon 21521291 jew email [email protected], anka billi jibqa anonimu u kull informazzjoni tibqa kunfidenzjali.
.jpg)
