Jien ma ngħaddix...inti tgħaddi?
Diversi ritratti qed iduru l-facebook dwar armar tal-festi li jimblokka l-aċċess għal nies bil-wheelchair u bil-puschairs
Bdew il-festi f'Malta u Għawdex. Jibda l-armar tat-toroq li jagħmel sabiħ u hu parti mill-kultura Maltija. Iżda hemm bżonn li dan l-armar jinbidel il-mod kif u fejn jintrama. Ħafna ġenituri bil-puschairs ma jistgħux jużaw il-bankini u jridu joħorġu f'nofs tat-triq bil-periklu li jistgħu jintlaqtu minn xi karrozza fit-triq. Iżda hu fattur ukoll li nies bil-wheelchair qed jiġi mblukkat l-aċċess tagħhom biex jibqgħu għaddejjin fit-toroq tar-raħal meta jkun hemm il-festa. Hemm bżonn li l-kunsilli lokali flimkien mal-għaqdiet tal-armar jaraw li l-armar ma jimblukkax la wheelchairs, la puschairs u hemm każi fejn l-anqas bniedem ma jista jgħddi minn fuq bankina.
