Malta bħalissa qed tirreġistra tkabbir ekonomiku robust ħafna, b’riżultati pożittivi fl-aktar setturi importanti tal-pajjiż. Bit-tkabbir fl-ekonomija ta’ 4% fil-bidu tal-2015, qgħad fl-aktar livelli baxxi fi snin, l-ogħla numru ta’ nies f’impjieg u sentiment pożittiv f’diversi oqsma jidher li l-pajjiż għaddej minn perjodu ekonomiku b’saħħtu ħafna.
Iżda dan it-tkabbir qed iħalli lil bosta setturi f’pożizzjoni fejn id-domanda mhux qed tintlaħaq, b’dak tal-proprjetà jesperjenza tkabbir tant qawwi li qed iwassal għal bidliet kompleti fis-suq u ġirja sħiħa biex tinstab proprjeta’ ta’ kwalità. F’kuntatt li għamlet l-ILLUM mad-Direttur ta’ Frank Salt, Douglas Salt, dan qal illi bħalissa hemm “splużjoni ta’ bejgħ” f’dan il-qasam speċjalment f’dak li għandu x’jaqsam mal-kiri ta’ proprjetà. Huwa saħansitra qal lil dan il-ġurnal li minn bħalissa “jgħid li m’hawnx bejgħ, jew ma jafx x’inhu jgħid jew inkella ma jgħix f’Malta.” Salt spjega kif fl-2014 biss kien hemm żieda ta’ 48% fil-bejgħ ta’ proprjetà filwaqt li l-ħaddiema raw żieda ta’ 31% fid-dħul tagħhom.
Aktar fil-ħarġa tal-ILLUM
