Connecting Through Culture' hija attivita' oħra mtellgħa mill-Kunsill Lokali Ta' Xbiex, immexxi mis-Sindku Max Zammit, din id-darba b'tema interkulturali. Ta' Xbiex hija l-lokalita' fejn fiha hemm l-akbar numru ta' ambaxxati u residenzi tal-ambaxxati. Għaldaqstant il-Kunsill Lokali Ta' Xbiex ħaseb sabiex jinvolvi lill-dawn l-ambaxxati kollha u jtellgħa attivita' maqsuma fuq jumejn, eżattament is-Sibt 18 ta' Lulju u l-Ħadd 19 ta' Lulju ġewwa l-parkeġġ tal-yacht marina, bil-parteċipazzjoni sħiħa ta' dawn l-istess ambaxxati mit-8pm il'quddiem. Attivita' issaportjata u ko-finanzjata mill-Ministeru għall-Kultura u Gvern Lokali u l-Valletta 2018.
Għal din l-attivita' kull ambaxxata ser ikollha stand tal-ikel u xorb, jew ser ittellgħa xi spettaklu fuq il-palk. L-ikel ser jitqassam lil kull min hemm preżenti, u l-ħsieb huwa sabiex ir-residenti ta' Ta' Xbiex u l-pubbliku in ġenerali jkunu jistgħu iduqu ikel tipiku ta' pajjiżi differenti jew igawdu spettaklu varjat minn artisti kemm lokali u kif ukoll internazzjonali li ser jinġiebu apposta hawn Malta. L-ambaxxati li ser jieħdu sehem huma dawk tal-Italja, Awstralja, Ingilterra, Eġittu, Irlanda, Turkija, Greċja, Olanda, Awstrija u Spanja.
Avveniment interessanti li ser jattira numru ta' tajjeb ta' barranin lejn Ta' Xbiex u l-Imsida, billi ta min ifakkar li ftit metri l-bogħod ser ikun hemm il-festa ta' San Ġużepp l-Imsida bil-brijju u nar tal-art li l-Misidjani mdorrijin jagħmlu ta kull sena fil-festa. Il-Kunsill Lokali Ta' Xbiex jixtieq jieħu l-opportunita' sabiex jirringrazzja lill-Kunsill tal-Msida u l-pulizija tad-distrett għas-sapport tagħhom għal din l-attivita'. Avveniment uniku li wieħed m'għandux jitlef.
