Fl-isfond ta’ xi xogħlijiet li qed isiru fi Vjal Sir Paul Boffa f’Raħal Ġdid, Transport Malta ħabbret li karreġjata waħda mir-roundabout fi Triq Valletta kantuniera ma’ Vjal Sir Paul Boffa lejn it-traffic lights tal-Addolorata se tkun magħluqa għada bejn is-7 ta’ filgħodu u l-erbgħa ta’ waranofsinhar.
Kawża tax-xogħlijiet, il-vetturi se jkunu mitluba biex jgħaddu minn karreġjata waħda fi Triq Valletta u minn żewġ karreġjati fid-direzzjoni tal-Marsa.
Transport Malta qalet li x-xogħlijiet huwa mmirati biex it-triq tiflaħ għal iżjed karozzi fid-direzzjoni tal-Belt Valletta u biex tilħaq aħjar id-domanda fil-ħinijiet li t-traffiku jkun fl-aqwa tiegħu.
Ix-xufiera huma mħeġġa jgħaddu mit-triq tal-Baċir numru 7 li se tkun miftuħa bejn is- 6 ta’ filgħodu u s-6 ta’ filgħaxija.
.png)
