Sfortunatament, l-abbużi fuq l-anzjani huma realtà pjuttost komuni fis-soċjetà tal-lum. Minbarra l-abbandun u l-abbużi fiżiċi, l-anzjani ta' spiss jinsabu fil-mira ta' serq u abbużi oħrajn relatati mal-flus jew propjetà.
F'perjodu ta' sena, bejn Marzu tal-2015 u dak tal-2016, ġew irrappurtati total ta' 9357 każ ta' serq. Min dawn il-każi, 1595 minnhom, kienu jinvolvu persuni b’età ta’ sittin sena jew aktar.
Din iċ-ċifra ma tfissirx li dawn l-anzjani kienu kollha fil-mira diretta ta’ l-aggressur, għax uħud mir-rapporti rreġistrati kienu jinkludu aktar vittmi ta’ persuni b’etajiet diversi.
Madankollu, dawn iċ-ċifru jafu ma jkoprux serq u tip ta' abbużi oħrajn lejhom li numru ta' anzjani ma jirrappurtawx.
Dawn iċ-ċifri ingħataw fil-Parlament mill-Ministru tal-Intern u s-Sigurtà Nazzjonali Carmelo Abela għall-mistoqsija tad-Deputat Nazzjonalista Carmelo Mifsud Bonnici.
.jpg)
