‘L-attakki għallmuna kif niddefendu lil Ben'

Dawn kienu kliem Kris Grima, missier ta’ tifel bl-isem Ben. Għal Kris u r-raġel tiegħu Steve, Ben huwa ħolma li se jkun qed jimlà l-ħajja ta’ familja magħquda u li tinħabb. “Il-vjaġġ kien twil u diffiċli, imma kienet test għalina u sfidatna b’modi dfferenti.”

Fil-kummenti li tella’ Grima, huwa rringrazzja kemm lil dawk li ferħulhom kif ukoll lil dawk li kkritikaw b’attakki. “Nirringazzjakhom xorta  għax l-attakki tagħkhom fuq il-bażi tall-'aħjar interess tat-tfa'l u fuq l-argument ta’ xinhu naturali jew le, għallimna kif nipproteġu aħjar lit-tifel tagħna.

Kris qal, fil-messaġġ twil li ħalla fuq Facebook, li “Ben se jkollu ħajja bħal kull tifel ieħor, huwa imbierek minn żewġ ġenituri li jħobbuh, erba’ nanniet, ħafna zijiet, kuġini, ħbieb u żewġt’iklieb protettivi.” Huwa jwiegħed li Ben se jingħata l-edukazzjoni meħtieġa biex jiddifersifika l-ħsieb tiegħu permezz tal-edukazzjoni. Huwa jappella għal aktar tolleranza u jgħid ukoll li hu u Steve huma l-ewwel, minn ħafna koppji oħrajn tal-istess sess, li għad iridu jadottaw.”