“Minn Jannar tal-2015, keċċeja 102 persuna, tkixxifna dwar 106,000 terrorist, arrestajna 549 u nvestigajna fuq 884 persuna.” qal Angelino Alfano, il-Misitru tal-Intern Taljan, waqt seduta fil-Parlament Taljan fejn kienet qed tiġi diskussa s-sitwazzjoni tat-terroriżmu fl-Ewropa, fid-dawl tal-attakki fi Franza u l-Germanja
Huwa żied jgħid li “il-35 li tkeċċew instabu li kienu qed jaħdmu biex jirradikalizzaw nies oħra u jippromwovi l-Jihad fl-Italja.”
L-aħħar żewġ persuni mkeċċija mill-Italja kienu żewġ Marokkini li f’każi separati wettqu attakki kontra l-knisja Kattolika. Fl-ewwel każ, Marokkin ta’ 25 sena qaleb kurkifiss fuq qassis bl-iskop li jweġgħu filwaqt li fit-tieni każ, Marokking ieħor ta’ 67 sena interrompa quddiesa fi Trento biex jagħmel diskors ta’ mibgħieda kontra l-knisja kattolika.
Alfano wiegħed li l-pajjiż se jibqa jkun iebes kontra dawk li jippromwovu l-Iżlam radikali u wiegħed li l-gvern se jaħdem flimkien mall-1.6 miljun membru tal-komunità Iżlamika fl-Italja biex flimkien jikxfu u jwaqqfu l-dawk radikali.
“Huwa ġust u bżonnjuż li jkun hemm distinzjoni bejn dawk in-nies li jitolbu u l-oħrajn li jisparaw,” qal il-ministru, li żied jgħid li “t-talb huwa dritt ta’ kullħadd, iggarantit mill-kostituzzjoni Taljana. Ma nistawx inwaħħlu fil-Musulmani kollha, għax dan joħloq biss atmosfera ta’ mibgħieda u jġib aktar vjolenza.”
L-Italja bħalissa tinsab fil-proċess li tifforma kunsill nazzjonali għar-relazzjonijiet Izlamiċi, li se jaħsed biex jaċċerta li l-moskej li hemm l-Italja mhux qed jirċievu fondi minn ċelluli terroristiċi, filwaqt li jagħmlu biċ-ċert li ġo dawn l-istrutturi li qegħdin l-Italja, tiġi mitkellma l-lingwa Taljana biss.
.jpg)
