Għawdxi ta' 44 sena gravi wara waqa' minn sular

Raġel ta’ 44 sena residenti n-Nadur waqa’ għoli ta’ madwar sular waqt li kien f’sit ta’ kostruzzjoni f’residenza fi Triq Uqija, fis-Swieqi

Għall-ħabta tal-10:30 ta' filgħodu, il-Pulizija mid-Distrett ta’ San Ġiljan ġew infurmati li kien għadu kemm seħħ inċident  u kien hemm persuna feruta.

Il-vittma ttieħed minnufih l-Isptar Mater Dei sabiex jingħata l-kura meħtieġa. Aktar tard huwa ġie ċċertifikat li qiegħed isofri minn ġrieħi ta’ natura gravi iżda ma jinsabx fil-periklu tal-mewt.

L-investigazzonijiet tal-Pulizija fuq dan il-każ għadhom għaddejjin.