Sewwieq ta’ mutur iweġġa’ gravi f’inċident

Raġel ta’ 35 sena jiskiddja bil-mutur tiegħu u jweġġa gravi

21 t'Awwissu 2016 13:24
minn Ruben Anthony Xuereb

Sewwieq ta' mutur jittieħed l-isptar f'kundizzjoni gravi wara inċident fil-Mellieħa

Għall-ħabta tal-11:15 ta’ dalgħodu, raġel ta’ 35 sena mill-Birgu, weġġa gravi f’inċident tat-traffiku fi Triq Telgħet Selmun, il-Mellieħa, hekk kif għal xi raġuni, huwa skiddja bil-mutur tat-tip Ducati li kien qiegħed isuq.

Fuq il-post ġew imsejħa l-Pulizija, flimkien ma ambulanza li ħadet lir-raġel l-Isptar Mater Dei għal aktar kura. Iktar tard hu ġie ċċertifikat li qed isofri minn ġrieħi gravi.

L-investigazzjonijiet tal-Pulizija għadhom għaddejjin.