Approvat il-permess għar-restawr tal-faċċata tal-knisja tan-Naxxar

L-Awtorità tal-Ippjanar approvat il-permess sabiex isir ir-restawr fuq il-faċċata tal-knisja parrokkjali tan-Naxxar.

Ix-xogħlijiet ta' restawr jinkludu t-tindif tal-ġebla, it-tneħħija tad-dwal u l-pajpijiet tal-metall li kienu mwaħħla mal-faċċata. Ix-xogħlijiet se jkunu qed jinkludu wkoll it-tibdil ta' xi ġebel li biż-żmien kien beda jitmermer.

Ix-xogħlijiet se jkunu qed isiru skont il-metodi approvati u mmonitorati mill-uffiċjali tal-konservazzjoni tal-Awtorità tal-Ippjanar.