Anzjana titlef ħajjitha fil-Mosta

Mara anzjana ta' 77 sena, residenti l-Mosta tilfet ħajjitha aktar kmieni dalgħodu wara li ttajret minn vann misjuq minn raġel Mosti ta' 68 sena, fi Triq il-Kunġress Ewkaristiku, fil-Mosta stess.

Jidher li s-sewwieq tal-vann tajjar lill-mara hekk kif din qasmet it-triq minn bejn żewġ karozzi pparkjati ftit ‘il bogħod minn żebra crossing u ma’ tagħtux ċans iwaqqaf fil-ħin.

Il-mara tilfet ħajjitha mad-daqqa. Triq il-Kunġress Ewkaristiku bħalissa tinsab magħluqa għat-traffiku hekk kif il-Pulizija għadhom għaddejjin bl-investigazzjoni.