Il-Bank of Valletta jixtieq jinforma lill-klijenti tiegħu li disa’ ATMs bħalissa mhumiex qed jitħaddmu. Dan ġie kkawżat minn numru ta’ attentati frawdolenti matul tmiem il-ġimgħa.
Il-Bank jixtieq jassigura lill-klijenti tiegħu li l-ATMs kollha tiegħu huma mgħammra b’apparat kontra l-iskimming biex jilqa’ għal kwalunkwe apparat li jista’ jitwaħħal mal-ATM minn partijiet terzi b’intenzjonijiet frawdolenti.
Il-Bank qed jinvestiga dawn l-inċidenti u jikkollabora mal-awtoritajiet tal-Pulizija.
L-ATMs li temporanjament mhumiex qed jitħaddmu huma dawn li ġejjin:
- Isla, Misraħ l-4 ta’ Settembru (maġenb l-Għassa tal-Pulizija)
- Qasam Industrijali, Ħal Far
- Ħal Safi, Triq il-Ħajt Ruman
- Ħal Lija, 3, Triq Sir Ugo Mifsud
- Marsaxlokk - 4/5 Pjazza Madonna ta’ Pompei
- Bir id-Deheb – Wesgħet Bir id-Deheb, Ħal Għaxaq
- Marsa – Triq it-Tiġrija
- Preluna Towers – Triq it-Torri, Tas-Sliema
- Msida – 212/215, Triq ix-Xatt, Tal-Pietà
Il-Bank jinkoraġġixxi lill-klijenti tiegħu biex dejjem ikunu viġilanti u jagħmlu rapport lill-Bank u lill-awtoritajiet tal-Pulizija jekk jiltaqgħu ma’ kwalunkwe oġġett suspettuż imwaħħal mal-ATM.
F’każ ta’ diffikultà, il-klijenti huma avżati biex jikkuntattjaw il-BOV Customer Service Centre fuq 2131 2020.
.jpg)
