Pawlu Cremona fost il-persuni mogħtija Ġieħ ir-Repubblika

Bħal kull sena, it-13 ta' Diċembru jfakkar il-jum li fih pajjiżna ma baqax iżomm ir-Reġina bħala l-kap tal-istat tiegħu iżda minflok, inħatar l-ewwel president tar-Repubblika. Fil-fatt, 42 sena ilu, Sir Anthony Mamo kien l-ewwel President tar-Repubblika u li okkupa din il-kariga għal sentejn.

Intant, f'ċerimonja li ssir kull sena f'dan il-jum, il-President wara d-diskors tagħha, tirrikonoxxi għadd ta' persuni li minħabba l-kontribut tagħhom f'diversi oqsma tal-ħajja, taw ġieħ lil Malta.

Fil-fatt, fiċ-ċerimonja tal-lum, il-President Marie Louise Coleiro Preca wara diskors imqanqal, irrikonoxxiet numru ta' persuni għall-ħidma tagħhom. Fost dawn, kien hemm l-Arċisqof Emeritu Pawlu Cremona li b'hekk, issa sar kumpann fl-Ordni Nazzjonali tal-Meritu.

Fost il-persuni rikonoxxuti f'din iċ-ċerimonja hemm il-professur Godfrey Pirotta, il-kantant Freddie Portelli, iż-żeffiena Alison White, il-kowċ tal-tim tal-waterpolo nazzjonali Karl Izzo u l-eks Ambaxxatriċi għal Malta, Gina Abercrombie Winstanley.

Matul iċ-ċerimonja ta’ din is-sena, il-President tat ħatriet fl-Ordni Nazzjonali tal-Meritu lil ħmistax-il persuna, sitta minnhom fuq bażi onorarja u persuna wara mewtha. Ħdax-il persuna/gruppi oħra ngħataw il-Midalja għall-Qadi tar-Repubblika. Persuna minn dawn tal-aħħar ingħatat l-unur wara l-mewt, waqt li persuna oħra fuq bażi onorarja.

L-Arċisqof Emeritu Pawl Cremona jirċievi r-rikonoxximent mingħand il-President

Il-lista sħiħa tal-persuni rikonoxxuti huma:

Kumpann: Ordni Nazzjonali tal-Mertu - L-Arċisqof Emeritu Pawlu Cremona

Uffiċjal - L-eks Imħallef Philip Sciberras

Uffiċjali Onorarji: - Gina Abercrombie Winstanley

Sandro Gozi

Lord Mandelson

Rachid Marif

Membri: Clifford Borg Marks

Maria Camilleri

Fr. Anthony Edmond Caruana

David Mifsud

Karmen Mikallef Buhagiar (wara mewtha)

Godfrey Pirotta

Joseph Zammit Tabona

Membri Onorarji: Stephan Drewes

Alexander Piltz

Midalja għall-Qadi tar-Repubblika: Anthony Aquilina (wara mewtu)

Esther Azzopardi

Peter Paul Ciantar

Nicolina Farrugia

Karl Izzo

Christopher Micallef

Freddie Portelli

Alison White

Il-Malta Hospice Movement

Is-Sorijiet Franġiskani tal-Qalb ta' Ġesù (Londra)

Midalja għall-Qadi tar-Repubblika fuq Bażi Onorarja: Alan Ralph Curry