Dalgħodu għall-ħabta tat-8:30 a.m. il-Pulizija kienu nfurmati li kien waqa’ raġel minn għoli fi Triq Salvu Psaila, Birkirkara.
Il-Pulizija tad-Distrett marret minnufih fuq il-post u mill-ewwel stħarriġ li sar, irriżulta li Taljan ta’ 39 sena, residenti San Pawl il-Baħar, kien waqa’ għoli ta’ madwar sular minn fuq sellum. Ir-raġel kien qed jagħmel xi xogħol ġewwa sit ta’ kostruzzjoni fil-ħin tal-aċċident.
Il-vittma ttieħed l-Isptar Mater Dei permezz ta’ ambulanza u iżjed tard ġie ċċertifikat li qed isofri minn ġrieħi gravi.
.png)
