Ivvandalizzata l-karozza tas-CEO tal-BirdLife waqt li kien qiegħed birdwatching

Il-karozza tas-CEO ta’ BirdLife Malta Mark Sultana fil-mira ta’ att vandalu dalgħodu hekk kif kien qiegħed birdwatching fl-inħawi tal-Jerma f’Marsaskala.

Malli rritorna lejn il-karozza tiegħu, sab li l-karozza kienet ġiet vandalizzata. L-erba’ roti (tyres) tal-karozza, li kienet ipparkjata, ġew imċarrta minn individwu jew individwi mhux magħrufa.

Iż-żona fejn seħħ dan hi magħrufa għall-attivitajiet ta’ kaċċa illegali. Sultana għamel rapport mill-ewwel fl-għassa tal-pulizija u dwar dan il-każ għaddejjin l-investigazzjonijiet.