L-Assoċjazzjoni Maltija tal-Iżviluppaturi (MDA) qed tilmenta dwar id-diffikultajiet fir-rigward ta' rimi ta' skart tal-kostruzzjoni li skontu issa laħaq proporzjonijiet kritiċi. "400 kuntrattur tal-iskavar u t-twaqqigħ jinsabu totalment weqfin hekk kif ma jistgħux isibu post fejn jarmu l-iskart tagħhom u dan għal kwalunkwe prezz."
Fi stqarrija l-MDA appellat lill-Gvern sabiex jieħu azzjoni immedjata u 'joħroġ l-industrija mill-limbu'.
"L-industrija tinsab f'riskju ta' paraliżi. Il-problema mhix minħabba proġetti ta' bini privati iżda wkoll minħabba proġetti kbar statali bħal dawk tal-infrastruttura u housing soċjali, qalet l-istqarrija.
