L-Awtorità tal-Ippjanar twaqqa' strutturi illegali u tneħħi karozzi mitluqin

Numru ta' strutturi illegali - uħud imorru lura għas-snin 80  - twaqqgħu mill-Awtorità tal-Ippjanar, wara li dawk li kienu qed jiksru l-liġi ġew imwiddba.

Struttura rurali ta' 120 metru kwadru fid-daqs ħdejn it-Tempji ta' Ħaġar Qim kienet imwaqqa' bis-sit irritornat għall-istat oriġinali tiegħu.  Din il-binja kienet ilha b'ordni ta' infurzar mill-1999.

Numru ta' kmamar oħra fiż-żona magħrufa bħala Tal-Għarix il-Qrendi li kienu bla permess ukoll twaqqgħu mill-Awtorità. 

Fix-Xlendi wkoll tneħħiet struttura illegali mtella' minn ristorant mal-baħar filwaqt li fil-Mosta tneħħew ħafna karozzi u vetturi oħrajn li tħallew mitluqin f'sit f'Wied il-Għaselli ilu bil-permess għal rijabilitazzjoni mill-2017.