Il-Ministeru għall-Affarijiet Barranin u Ewropej u l-Kummerċ sostna li kkundanna mmedjatament l-att ta’ terroriżmu mwettaq kontra l-Iżrael mill-Ħamas, iżda tenna li huwa importanti li jkun hemm distinzjoni bejn il-Ħamas u ċ-ċivili Palestinjani.
Il-Ministeru irdoppja l-kontribuzzjoni annwali tiegħu lill-Aġenzija tan-Nazzjonijiet Uniti dwar l-Għajnuna u x-Xogħlijiet għar-Refuġjati tal-Palestina (UNRWA), li taħdem biex tassisti lil dawk il-Palestinjani vulnerabbli.
Is-Segretarju Ġenerali tan-Nazzjonijiet Magħquda, Guterres, saħaq li jistgħu dalwaqt ikunu qed jaffaċċjaw katastrofi umanitarja. Għalhekk, il-Ministeru qiegħed isegwi żviluppi umanitarji li joħorġu ta’ kuljum mill-Gaża.
Il-Ministeru ħa l-inizjattiva biex jiffaċilitá lill-membri tal-pubbliku li jixtiequ jagħtu donazzjoni ta’ fondi għal Gaża biex imbagħad jitqassmu b’mod ugwali bejn l-UNRWA. Il-Kumitat Kumitat Internazzjonali tas-Salib l-Aħmar, qed jaħdem ukoll biex jindirizza s-sitwazzjoni umanitarja urġenti f’Gaża.
Dawk li jixtiqeu jgħinu billi jagħtu donazzjoni li se jingħataw lill-organizzazzjonijiet msemmija, jistgħu jagħmlu dan permezz tal-kont fil-Bank Ċentrali ta’ Malta:
Isem: Humanitarian Fund
Numru tal-kont bankarju: MT63MALT011000041005EURCMG50000
Indirizz: 331, ALLIED HOUSE, DCS -3RD FLOOR S VLT1060, VALLETTA
Il-Ministeru saħaq li jimpenja ruħu sabiex il-fondi li jinġabru jintużaw biex jassistu nies vulnerabbli f’Gaża. Id-deċiżjoni li jinġabru fondi aktar milli oġġetti ttieħdet wara d-diffikultajiet riċenti biex l-għajnuna umanitarja tgħaddi mill-qsim ta’ Rafah mill-Eġittu għal Gaża.
