Proposta biex jiżdiedu tliet sulari fuq djar f’Paceville li jmorru lura għas-snin tletin, qed tikseb rakkomandazzjonijiet favorevoli mill-uffiċjal tal-każ u mis-Sovrintendenza għall-Wirt Kulturali.
Dawn id-djar, attwalment huma indikata bħala Grad 2, tipikament huma protetti kontra t-twaqqigħ jew alterazzjonijiet sinifikanti. Madankollu, f’dan il-każ, il-proposta tinvolvi l-bini ta’ tliet sulari sħaħ fuq id-djar eżistenti.
Is-Sovrintendenza għall-Wirt Kulturali aċċettat b'mod tentattiv is-sulari addizzjonali, u kkwotat tnaqqis ta' 1m tas-sulari ta' fuq. L-approvazzjoni tad-disinn se sseħħ fi stadju aktar tard wara li s-sit jiġi kommess għal żvilupp ta’ ħames sulari.
L-għaqda mhux governattiva Din l-Art Ħelwa topponi bil-qawwa l-proposta, billi sostniet li se taffettwa negattivament il-karattru tradizzjonali, filwaqt li tenfasizza l-ħtieġa li l-bini jiġi protett għal kollox.
L-oġġezzjonijiet ambjentali jsemmu tħassib dwar il-ħolqien ta' preċedent perikoluż, li jhedded l-integrità tal-proprjetajiet skedati kollha. Madankollu, ir-rapport tal-uffiċjal tal-każ iqis s-sulari addizzjonali aċċettabbli, filwaqt li jenfasizza li ma jaqbżux l-għoli eżistenti u huma mtarrġa biex isegwu l-gradjent tat-triq.
Il-proposta hija mressqa minn Priscilla Calleja, li, għalkemm mhijiex is-sidt tas-sit sħiħ, għandha l-kunses tas-sidien l-oħra. Fl-2017, Calleja fittxet li żżid żewġ sulari għal guesthouse, iżda din ġiet rifjutata abbażi ta’ oġġezzjonijiet tas-Sovrintendenza. Issa, għandha l-għan li żżid tliet sulari ġodda mad-djar kollha, li s-sidien huma mgħarrfa u taw il-kunsesn tagħhom.
Id-deċiżjoni finali mistennija tittieħed mill-Bord tal-Ippjanar fl-14 ta’ Diċembru.
