Il-Kap tal-Oppożizzjoni Bernard Grech iddikjara li l-grupp parlamentari tal-Partit Nazzjonalista jaqbel dwar mozzjoni li titlob lid-deputat indipendenti Rosianne Cutajar tagħti l-flus lura tax-xogħol ta’ konsulenza frawdolenti.
Meta mistoqsi mill-gazzetta oħt MaltaToday dwar dan, Grech qal li hemm tittieħed azzjoni għax mhuwiex aċċettabbli li Cutajar tħallset mit-taxxi tal-poplu għal xogħol fantażma.
Huwa rreaġixxa għal rapport li żvela li l-mozzjoni ħolqot taħwid ġewwa l-partit tal-PN, wara li din il-mozzjoni tista’ tqajjem riperkussjonijiet kbar kontra xi deputati minn tiegħu.
Il-PN ħabbar li ressaq mozzjoni fil-parlament fejn titlob li Cutajar tagħti lura l-flus li ngħatat permezz għax-xogħol fantażma tagħha.
Waqt li kien qed jindirizza lill-midja, Grech stqarr li l-Uffiċċju Nazzjonali tal-Verifika (NAO) ma qata’ kliem meta sab li x-xogħol fantażma ta’ Cutajar kien frawdolenti u irregolari. Grech innota li għall-PN, dan kien inaċċettabbli.
Min-naħa tagħha, Cutajar, li llum hija deputata indipendenti, qiegħda tistaqsi dwar l-impjiegi fil-gvern li għandhom id-deputati tal-PN.
Propju din il-ġimgħa, Cutajar staqsiet dwar id-dettalji tal-impjieg ta’ numru ta’ Membri Parlamentari tal-PN fosthom David Agius, Graziella Attard Previ u Albert Buttigieg fost oħrajn.
