Bosta jsellmu l-memorja ta' Charlie l-'Mangu'

Charlie Sammut, magħruf aħjar bħala l-'Mangu', miet fl-età ta' 65 sena.

Bosta huma dawk li qed jibgħatu kondoljanzi tagħhom fuq il-midja soċjali ta' Sammut, b'oħrajn ifakkru d-daħka sinċiera tiegħu jew xi avventura li għaddew minnha flimkien.

Sammut huwa wieħed fost l-iktar ismijiet famużi fid-dinja tal-għalliema tal-karozza, b'numru sabiħ ta' nies saħansittra jfakkru ż-żmien li għamlu jitgħallmu mingħand il-'Mangu' sakemm waslu biex jgħaddu mit-test tal-aħħar.

Familjari u qraba tiegħu qalu li lil Sammut mhux ħa jinsewh qatt, bħal ma mhux se jinsew it-tbissima fuq wiċċu, iż-żfin li kien jiżfen u ċajt li kien jgħid.