Hunger Games mibdul f’show live f’Londra
Mistenni li jinbeda fl-2016
Jennifer Lawrence ma' Liam Hemsworth f'The Hunger Games
Id-dinja ta’ Hunger Games, fejn adoloxxenti huma mġiegħla jiġġieldu sal-mewt, se tittella’ live fuq palk f’Londra. Hu mistenni li l-ispettaklu jibda jintwera fl-2016 f’post ġdid biswit il-Wembley Stadium ta’ Londra.
Film studio Lionsgate qed jingħaqad ma’ kumpaniji fl-Amerika u fl-Olanda biex joħolqu verżjoni live tal-kotba u l-films li fihom tieħu sehem Jennifer Lawrence. Fost il-produtturi hemm Robin de Levita, li ħoloq awditorju li jdur għall-musical Olandiż Soldier of Orange u xenarju li jdur għad-dramm Anne dwar Anne Frank.
It-tielet film ta’ The Hunger Games, Mockingjay: Part I, se jinħraeġ madwar id-dinja fil-jiem li ġej. Is-sena d-dieħla tinħareġ it-tieni parti.
The Hunger Games hu miktub minn Suzanne Collins.
More in Zekzik
