Macron: Is-sigurtà tal-Ewropa ‘f'riskju’ jekk ir-Russi jirbħu fl-Ukrajna

Macron qal li ma jridx alleati li jistgħu jpoġġu limitazzjonijiet fuq il-possibilità ta' Franza sabiex tassisti u taċċerta li r-Russja ma tirbaħx il-gwerra. "Jekk is-sitwazzjoni taf tiġi agħar, aħna se nkunu preparati biex naċċertaw li r-Russja qatt ma tirbaħ il-gwerra," qal Macron waqt l-intervista, filwaqt li wissa li dawk li jillimitaw ruħhom mill-għajnuna lill-Ukrajna qed jagħżlu telfa. 

Qal li huwa importanti li l-Ewropa ma tidhirx debboli għaliex tinkoraġġi lil Kremlim iktar bl-invażjoni fl-Ukrajna. Huwa qal li Franza qatt mhi se tieħu pass kontra r-Russja, u nsista li Pariġi ma kinitx fi gwerra ma' Moska minkejja li sejħilha "l-avversarju" iżda mhux l-għadu, li attakkat lill-interessi Franċiżi. 

Huwa żied jgħid li ttama li jasal punt sabiex jiftehmu fuq paċi ma' president Russu, hu min hu. 

Macron qajjem kontroversja billi rrifjuta li jeskludi li jibgħat truppi tal-Punent lejn l-Ukrajna, bil-ministru tad-difiża Franċiż Sébastien Lecornu aktar tard jgħid li preżenza militari akbar tista’ tinkludi t-tneħħija tal-mini u t-taħriġ ta’ suldati Ukreni. 

Macron qed ifittex li r-Rassemblement National tal-lemin estrem tal-pajjiż ikun bħala alleat tal-Kremlin. Il-partiti tal-Oppożizzjoni akkużawh li uża l-kunflitt biex isaħħaħ il-pożizzjoni tal-koalizzjoni ċentrista tiegħu qabel l-elezzjonijiet Ewropej f’Ġunju.

L-elezzjonijiet Ewropej huma test ta’ nofs leġislazzjoni qabel l-elezzjoni presidenzjali li jmiss ta’ Franza: filwaqt li Macron ma jistax jerġa’ jikkontesta minħabba limiti ta’ mandat, fl-2027 il-mexxejja tal-lemin estrem, Marine Le Pen, mistennija jtellgħu r-raba’ offerta għall-ogħla impjieg.