Zelenskyy jkeċċi l-Kap Kmandant tiegħu sentejn wara l-ewwel attakki

Il-President Volodymyr Zelenskyy keċċa il-Kap Kmandant tal-militar Ukren, Valerii Zaluzhnyi.

Din l-aħbar waslet biss ftit jiem wara xniegħat ta’ firda bejn il-President Ukren u l-kmandant Zaluzhnyi, li ilu fuq quddiem tal-battalja kontra r-Russja mill-bidu tal-kunflitt.

Il-ġeneral Oleksandr Syrskyi se jkun qed jieħu post Zaluzhnyi.

Din hija l-ikbar bidla li l-armata Ukrena rat minn mindu beda’ l-kunflitt fi Frar ta’ sentejn ilu.

F’kummenti fuq il-pjattaforma X, Zelenskyy qal li kien hemm bżonn midla tal-mexxej militari iżda Zaluzhnyi “se jibqa’ fit-tim.”

I met with General Valerii Zaluzhnyi.
I thanked him for the two years of defending Ukraine.
We discussed the renewal that the Armed Forces of Ukraine require.
We also discussed who could be part of the renewed leadership of the Armed Forces of Ukraine.
The time for such a renewal… pic.twitter.com/tMnUEZ3BCX

— Volodymyr Zelenskyy / Володимир Зеленський (@ZelenskyyUa) February 8, 2024

Jħabbar il-bidla l-Ħamis filgħaxija, Zelenskyy qal li din il-bidla se sir b’mod immedjat. 

Il-kmandant Zaluzhnyi huwa pjuttost popolari mal-poplu Ukren, tant li hemm min iqisu ta’ eroj.

Sondaġġi riċenti fl-Ukrajna juru li jgawdi ukoll minn fiduċja ogħla minn dik ta’ Zelenskyy.

Il-president spjega li huwa rringrazzja lill-ġeneral f’konverżazzjoni qasira l-Ħamis stess.