Illum.com.mt għadha kif ġiet mgħarrfa li fi Triq Ġorġ Borg Olivier fil-Mellieħa ġew irrappurtati nirien fil-lukanda Solana Hotel.
In-nar ġie kkawżat minn short circuit f'televixin fit-tieni sular.
Ir-residenti kollha ġew evakwati.
Bħalissa t-triq hi magħluqa u hemm il-pumpiera tal-protezzjoni ċivili. Ħadd ma weġġa' iżda kien hemm min bela' duħħan u ntalbet l-assistenza medika.
Fuq il-post kien hemm il-pulizija tad-distrett u tal-RIU li kellhom jgħalqu t-triq għat-traffiku.
