Il-paġna fuq Facebook Maltese Roads Traffic Updates għadha kif xerrdet ritratti ta' wħud mill-pjanċi li nstabu fit-toroq wara l-maltempata li ħakmet lil pajjiżna dal-lejl.
Ir-ritratti juru pjanċi differenti li issa jinsabu fl-Għassa tal-Pulizija ta' Bormla. Jekk waħda mill-pjanċi hija tiegħek ċempel fuq 21824218 u kkonferma li l-pjanċa qiegħda hemmhekk.
L-ILLUM tkellmet mal-għassa ta' Bormla fejn intqal li huma ġabru l-pjanċi li ntilfu fl-inħawi tagħhom u b'hekk issa s-sidien tal-pjanċi jistgħu jmorru hemm.
Inħeġġu lill-pubbliku li jekk isib xi pjanċi oħra jgħaddihom fl-għases qrib.
Xerrdu l-kelma.
