[FILMAT] ISIS jiġġustizzjaw 8 pulizija Iraqqini

Għarkupptejhom fit-trab, dawn it-tmien uffiċjali tal-pulizija Iraqqini qed jistennew il-mewt minn idejn membri tal-ISIS.
Dawn l-immaġini tal-biża' kienu maħruġa minn dan il-grupp terroristiku li ħoloq mewġa ta’ mewt u terrur madwar is-Sirja u l-Iraq bħala twissija għal dawk li joħduha kontrihom.
Skont The Mirror, dawn l-uffiċjali ġew akkużati li spijaw fuq l-ISIS għal militar Iraqqin. Dawn it-tmien pulizija jintqal li kienu jagħtu informazzjoni lill-Amerikani fuq fejn jinsabu l-membri tal-ISIS biex jiġu bumbardjati.
Ir-ritratti juru lil dawn l-imsejkna b’għajnejhom mgħottija mġebbdin minn għonqhom matul ix-xmara, jiġu mġiegħlha joqogħdu għarkupptejhom u jisparawlhom fuq wara ta’ rashom.