Fi stqarrija l-Pulizija qalet li dal-lejl għall-ħabta ta’ nofsillejl intalbet l-assistenza fi Triq San Ġorġ, f’Paceville meta żagħżugħ deher jaqa’ fl-art mitluf minn sensih.
Minn stħarriġ preliminari rriżulta li waqt li ġuvni ta’ 22 sena minn Ħaż-Żebbuġ kien qiegħed fi stabbiliment li jinsab fl-imsemmija triq, ħassu ħażin u waqa’ mal-art. Għaldaqstant huwa nħareġ barra u ġiet imsejħa ambulanza biex jingħata l-kura meħtieġa.
Aktar tard huwa ġie ċċertifikat li jinsab fil-periklu li jitlef ħajtu. L-istħarriġ għadu għaddej filwaqt li nħatru diversi esperti biex jassistu f’inkjesta maġisterjali, ittemm tgħid l-istqarrija.
