[RITRATTI] Żiemel ieħor involut f'inċident fil-Gżira

Iż-żiemel sfratta għal xi raġuni u spiċċa baqa' dieħel f'Daihatsu Sirion

14 ta' Jannar 2015 13:05
minn Staff Reporter

Ritratt - CMRU

Żiemel li kien għaddej minn Triq D'Argens fil-Gżira sfratta għal xi raġuni u baqa' dieħel f'karozza tat-tip Daihatsu Sirion, misjuqa minn mara ta' 65 sena minn tas-Sliema. Apparti minn hekk daħal ukoll f'Citroen Xsara Picasso li kienet ipparkjata fl-istess triq.

Sid il-karozzin li miegħu kien marbut iż-żieml, hu raġel ta' 28 sena minn tas-Sliema u ttieħed l-Isptar Mater Dei għal trattament mediku. Il-kundizzjoni tiegħu għadha mhux magħrufa.

Il-Pulizija qed jinvestigaw il-każ.