[Aġġornat bir-ritratti, filmat u aktar dettalji] Nirien f'kumpanija tal-ġwież fil-Marsa
Intervent f'waqtu kemm tal-impjegati u tal-Protezzjoni Ċivili
Kmieni wara nofsinhar żviluppaw nirien fiż-żona industrijali tal-Marsa fil-kumpless tal-Koperattiva Produtturi tal-Ħalib. Carmel Fenech, l-Operations Manager tal-kumpanija, qalilna li n-nirien bdew għall-ħabta tat-3.30 p.m. x'aktarx minn short circuit fil-makkinarju li jkessaħ il-ġwież.
Kif l-impjegati raw id-duħħan ħiereġ mill-kamra kienu pronti u bdew jikkontrollaw in-nirien stess u fl-istess ħin il-kumplament tal-ħaddiema ħarġu kollha ’l barra bħala prekawzjoni.. Carmel Fenech qalilna li l-membri tal-Protezzjoni Ċivili waslu fuq il-post fi ftit minuti li komplew jikkontrollaw in-nirien tant li dan ma leħaqx infirex. Ħadd ma weġġa' f'dan il-każ.
Fuq il-post marru l-Pulizija tad-Distrett immexxijin mill-Ispettur Spiridione Zammit flimkien mas-Surġent Saviour Camilleri u l-Kuntistabbli Evan Xerri u Paul Grech.
.png)
