Żagħżugħ ta' 19-il sena mqatta' b'daqqiet ta' machete

Fis-12.40 ta’ dal-lejl, Zac Evans ta’ 19-il sena safa maqtul u mqatta' b’machete (forma ta’ mannara) ħdejn il-Pub Pike & Musket fi Gloucester l-Ingilterra. Għalkemm it-tobba għamlu minn kollox biex isalvawlu ħajtu ma rnexxielhomx u vverifikawh mejjet fuq il-post.

Pike and Musket pub, Gloucester

Żewġ żagħżagħ oħra ta’ 18 u 22 sena sfaw aggrediti mill-istess raġel li kien armat b’dik li qed tiġi meqjusa li kienet machete. Iż-żagħżugħ ta’ 22 sena jinsab l-isptar bi ġrieħi gravi iżda stabbli. L-ieħor kellu ġrieħi ħfief.