Fighters Taljani jinterċettaw Jet Russu

Ftit tal-minuti ilu l-aġenzija tal-aħbarijiet Taljana Ansa għadha kif irrapurtat li ajruplani tal-forza tal-ajru Taljana, il-Eurfighter jets interċettaw ajruplan tat-trasport Russu Ilyushin 76 Candid Transport fuq il-baħar Baltiku meta dan ipprova jidħol fli spazju tal-ajru tan-NATO.

Il-Eurfighters huma fost l-erba ajruplani tal-gwerra li qed jintużaw f'Siauliai fil-Litwanja fuq missjoni tan-NATO biex isaħħu d-difiża fli stati Baltiċi wara t-tensjoni kkawżata mis-ribelli separatisti megħjuna mir-Russi fi gwerra mal-forzi Ukreni. Il-Ġimgħa żewġ fighters oħra Taljani interċettaw ajruplan ieħor militari li wkoll kien qed jipprova jidħol fli spazju Baltiku ikkontrollat min-NATO.