Il-Pulizija qed tinvestiga serqa li saret ilbieraħ filgħaxija għal ħabta tas-6.30pm minn ħanut tal-merċa fi Triq Gerry Zammit in Imsida.
Investigazzjonijiet preliminari żvelaw li wiċċ il-ħalliel kien mgħotti u kien armat b'oġġett tal-injam. Il-ħalliel telaq b'ammont ta' flus li għadu mhux magħruf kemm, li seraqhom mill-cash register. Il-bejjiegħa li kienet preżenti waqt is-serqa ma weġġgħetx.
Il-Maġistrat tal-Għassa ħatar inkjesta fuq dan il-każ.
