Kif raw ir-ritratt tal-bojja tfajjel tal-ISIS, studenti mill-primarja f’Tolouse fi Franza nhar l-Erbgħa li għaddew raw il-video ġdid mill-ISIS fejn tfajjel appena għandu 12-il sena spara u qatel ostaġġ Għarbi/Iżraeljan.
It-tfal tal-klassi tiegħu kollha qalu li dak it-tfajjel bojja kien Ryan li kien sparixxa mill-iskola u mill-pajjiż f’Marzu tas-sena li għaddiet. Jonqos issa l-konferma uffiċċjali mill-istat. It-tfal qalu li Ryan kien tfajjel maħbub u intelliġenti u issa tfaċċa wara sena armat u ttrenjat biex joqtol f’demm kiesaħ Għarbi Iżraeljan ta’ 19-il sena Muhammad Said Ismail Musallam, li kien akkużat li kien spija tal-Mossad.
Ħdejn it-tfajjel jidher Sabri Essid ħu Mohammed Merah l-qattiel ta’ Tolouse li 3 snin ilu ħoloq terrur sħiħ fin-naħa t’isfel ta’ Franza fejn qatel seba min-nies f’diversi attakki, fosthom tliet tfajliet studenti Lhud fli skola. Essid jista jkun missier Ryan li flimkien ma’ omm Ryan u tliet ħutu oħra żgħar telqu minn Franza sena ilu. Essid kien inħeles mill-ħabs fl-2010 u kien dejjem jhedded lil Franza u lill-Iżrael. L-ewwel kienu marru Spanja u minn hemm telqu t-Turkija.
