Għal jumejn sħaħ kaxxa tal-ittri fil-Belt ma jinġabrux l-ittri minnha

Skipp qed jostakola milli tinġabar il-posta mill-kaxxa tal-ittri fi Triq Mikiel Anton Vassalli fil-Belt Valletta. Qarrej ta' dan il-ġurnal mill-Belt wassal l-ilment tiegħu għaliex iħossu urtat li ittri li qed jintefgħu f'din il-kaxxa tal-ittri partikolari, qed jitħallew hemm u ma jinġabrux.

Dan seħħ għat-tieni jum konsekuttiv minħabba li skipp li jinsab eżatt maġenb din il-kaxxa tal-ittri mhux qed iħalli lill-pustiera jiġbru il-posta minn din il-kaxxa tal-ittri. Dan il-qarrej qalilna li Maltapost ġiet infurmata b'dan iżda l-ebda pass għadu ma ttieħed.