Ġurnalist Ukren magħruf għall-opinjonijiet favur ir-Russi tiegħu ġie maqtul b'tiri fi Kiev. Oles Buzyna ta' 45 sena ġie maqtul wara li ġew sparati tiri minn karozza, qal Anton Herashchenko l-Ministru Ukren għall-Affarijiet Interni.
Din l-isparatura ġiet ġurnata biss wara li nqatel l-Membru Parlamentari Oleg Kalashnikov - alleat tal-eks President Victor Yanukovych, fi Kiev stess. Herashchenko jemmen li ż-żewġ każi huma marbuti mal-fatt li l-vittmi kienu infoluti fil-moviment kontra t-tkeċċija ta' Yanukovych bħala President fl-2014.
Mistoqsi dwar dan kollu waqt programm live, il-President Russu Vladimir Putin qal "Dan mhux l-ewwel qtil tat-tip tiegħu. Hemm serje sħiħa ta' qtil simili fl-Ukraina."
