Jittella katavru ta' tfajla mill-baħar

Il-Pulizija tellgħu katavru, aktarx ta' tfajla, fil-baħar fl-inħawi ta' Għar Lapsi.

Il-katavru ddaħħal f'Xatt it-Tiben minn membri tal-Forzi Armati ta' Malta u minn hemm ittieħed fil-kamra mortwarja tal-isptar Mater Dei biex issir awtopsja u tiġi stabbilita l-kawża tal-mewt.

Ħafna qed iħalltu din is-sejba mal-każ tat-tfajla li ġiet rapportata nieqsa l-bieraħ, Ruth Attard ta' 27 sena iżda s'issa l-pulizija għadha ma tat l-ebda indikazzjoni dwar l-identita tal-katavru mtella mill-baħar.